Олон улсын эрдэм шинжилгээний хурал амжилттай зохион байгуулагдлаа

АНУ-ын ACBSP байгууллагын 30 жилийн ой, БМИҮЗ-ийн 20 жилийн ойн хүрээнд зохион байгуулагдаж буй “Дээд боловсролын хөгжил-Чанарын баталгаажуулалт” сэдэвт Олон улсын эрдэм шинжилгээний хурал амжилттай болж өндөрлөлөө.

Тус хуралд ACBSP-ийн гүйцэтгэх захирал Jeffrey Alderman, АНУ-ын Тиффин их сургуулийн сургалтын чанар хариуцсан дэд захирал Kristina Collins, PAS-ийн үйл ажиллагаа хариуцсан захирал Deborah K.Robbins болон БСШУСЯ, БМИҮЗ-ийн мэргэжилтнүүд, их дээд сургуулийн багш, профессор, судлаач нарын 12 илтгэл хэлэлцүүлэгдэж, боловсролын салбарын хөгжил, магадлан итгэмжлэлийн үнэт зүйл, чанарын баталгаажуулалтын үндэсний тогтолцоо, дээд боловсролын магадлан итгэмжлэлийн үр нөлөө зэрэг их, дээд сургуулийн өнөөгийн байдал, тулгамдаж буй асуудлуудын талаар олон сонирхолтой сэдвийг хөндөж, санал бодлоо солилцлоо.